ខ្ញុំម្ចាស់សូមថ្វាយព្រះពរអង្គសម្តេចម៉ែ - បទ ៖ សំពោង នគររាជ - ចាប៉ីដងវែង | ស៊ីវន ស្រីពេជ្រ និង ចរិយា

ចំណងជើង ៖ ខ្ញុំម្ចាស់សូមថ្វាយព្រះពរអង្គសម្តេចម៉ែ បទ ៖ នគររាជ , ទម្រង់ ៖ ចាប៉ីដងវែង , ច្រៀងដោយ ៖ ស៊ីវន ស្រីពេជ្រ និង ចរិយា អភិលក្ខិតសម័យ នក្ខត្តឫក្សក្រៃថ្ងៃចម្រើនព្រះជន្ម ហាអើយ ព្រះវររាជមាតាមហាគុណធ្ងន់ ខ្ញុំម្ចាស់បន្ទន់អភិវន្ទាការអើយ អញ្ជលីបួងសួងវត្ថុស័កិ្តសិទ្ធិទេវតាមានឫទ្ធិស្ថិតឆកាមាអើយ ចាប់ពីចាតុម្មហារាជិកា យាមា តុសិតា និម្មានរតី ហៃអេអើយ បរនិម្មិតវសវត្តី អើយ ។ ស្តេចចតុលោកបាល ទាំងបួនវិសាលអភិបាលប្រោះព្រំអើយ ព្រះបាទធតរដ្ឋប្រាកដជាធំ ប្រទានពរប្រោះព្រំព្រះមហាក្សត្រិយ៍អើយ គ្រប់គ្រងចាក់គ្រឹះនៅទិសបូព៌ា ចម្រើនព្រះជន្មាឫទ្ធាបារមីអើយ ហ្លួងម៉ែអង្គម្ចាស់ព្រះមហាក្សត្រិយ៍ មង្គលសួស្តីសេចក្តីថ្លៃថ្នូរអើយ ហៃអេអើយមង្គលសួស្តីសេចក្តីថ្លៃថ្នូរអើយ ។ ស្តេចវិរុឡ្ហកៈទ្រង់គ្រងអភិរក្សថែទិសទក្សិណអើយ ទ្រង់ផ្សាយបារមីឆព្វណ្ណឆ្អៅឆ្អិនភ្លឺពីទក្សិណនិរតីទិសបូព៌ អឺអឺយ ចម្រើនព្រះជន្មព្រះមហាក្សត្រិយ៍ មានឫទ្ធិរាសីតេជះតេជោអឺអឺយ អង្គព្រះកាយពលមង្គលបរិបូណ៌ ពុទ្ធិពេញពោរដូចចន្ទបរមី ហៃអេអើយពុទ្ធិពេញពោរដូចចន្ទបរមីអើយ ។ ព្រះបាទអើយវិរូបក្ខៈ ស្តេចគ្រងអាណាចក្រនៅទិសបស្ចិមអើយ សុខដុមរមនាជយោប៉ប្រិម ព្រះភ័ក្ត្រញញឹមសង្ឃឹមសួស្តីអើយ ប្រទានពរសម្តេចម៉ែប្រធានកត្តិយស ព្រះមាតាសង្គ្រោះមនុស្សធម៌ល្បាញល្បីអើយ ទ្រង់សុខព្រះកាយសប្បាយព្រះទ័យ ប្រាជ្ញាញាណញេយ្យវាងវៃភ្លឺថ្លា ហៃអេអើយប្រាជ្ញាញាណញេយ្យវាងវៃអស្ចារ្យអឺអើយ ។ ហៃអេអឺអឺយ អឺអឺយ មហារាជកុវេរៈ ព្រះវេស្សវណយក្សអភិរក្សឧត្តរ អឺអឺយ ត្រជាក់ត្រជំសុខដុមបវរ ប្រោសប្រទានពរព្រះវររាជមាតាអឺអឺយ ។ ខ្ញុំស្រឡាញ់កាកបាទក្រហមកម្ពុជា ស្រឡាញ់មាគ៌ាមនុស្សធម៌ថ្លៃថ្លាអឺយអឺ ក្រោមម្លប់ត្រជាក់ព្រះវររាជមាតា ចលនាមនុស្សធម៌ដោយប្រតិបត្តិករគ្រប់ទីកន្លែង ហៃអេអើយដោយប្រតិបត្តិករគ្រប់ទីកន្លែងអឺអឺយ ។ ហៃអេអឺអឺយ ទាំងថ្នាក់កណ្តាលវិសាលសាខាទាំងម្ភៃប្រាំអឺអឺយ បាននឹងកំពុងសស្រាក់សស្រាំ សកម្មការងារសង្គ្រោះជាក់ស្តែង ដើម្បីអបអរសាទរទិវាចម្រើនព្រះជន្មាអង្គព្រះគម្ដែងអឺយអឺ សូមព្រះរាជសុខភាពរៀងរាបអង្វែង ដូចខ្ញុំអឺយម្ចាស់ថ្លែងសម្ដែងតាមបទចាប៉ីថ្វាយព្រះពរ ហៃអេអឺយអាយុវណ្ណោសុខំពលំអឺអឺយ ៕

Category