مندي بالفرن بطريقة خورااافية من مطبخ ام مجد Việt Nam

المندي بالفرن(ام مجد) طعمة خورااافية ما بتتفوت اول خطوة ننظف الدجاج كويس عجنب نجهز التتبيلة عبارة عن بصلة مبشورة ٣ فصوص توم مهروس ملعقة كبيرة كاتشب ملعقة كبيرة شطة ملعقتين كبار زبادي (فليفلة حمرة كزبرة قرفة بهارات مشكلة كاري كركم) من كل نوع ملعقة كبيرة وطبعا نضيف ملح وكم حبة هيل وعصير ليمونة وربع كوب زيت زيتون نتبل الدجاج بالتتبيلة ونتركو بالتتبيلة ساعة بطنجرة نضيف الارز المغسول طبعا بدون نقع لكل كوب رز كوب ونصف ماء ونضيف زيت وقرنفل ورق غار وكم عود قرفة وكم حبة هيل وليمون مجفف اسود ونصف ملعقة صغيرة بهارات مشكلة ونصف ملعقة صغيرة كاري ونوازن الملح ونغلف الطنجرة بالقصدير طبعا انا شلت ايد الطنجرة عشان ما تحترق بالفرن غلفت الطنجرة ٣ طبقات من القصدير وخرمت القصدير بعدين حطيت الدجاح مع التتبيلة فوق القصدير ورجعت غطيت الدجاج بالقصدير وبدخل الطنجرة الفرن مدة ساعة ونصف.. بعدين بطلع الطنجرة بشيل القصدير عن الدجاج وبشغل الفرن من فوق وبحمر الدجاج.. مرحلة تبخير الدجاج بالفحم.. بنزل الدجاج عالارز لكن ننتبه بدون مية التتبيلة اللي بكون لسا مع الدجاج.. لان راح يفضل من مية التتبيلة عالقصدير يلي فوق الطنجرة .. مابنحتاجو نحتاج فقط الدجاج.. بس حطينا الدجاج عالارز نعمل فجوة ونحط قصدير نشكلو على شكل فجوة ونحط فيه شوية زيت زيتون وبعدين بنزل الفحمة عالزيت وبسكر الطنجرة مدة ربع ساعة وبيصير عنا المندي جاهز للتقديم... وبالعااافية ❤️❤️

Category