کچھ دن تو بسو میری آنکھوں میں
پھر خواب اگر ہو جاو تو کیا
کوئی رنگ تو دو میرے چہرے کو
پھر زخم اگر مہکاو تو کیا
جب ہم ہی نہ مہکے پھر صاحب
تم باد_ صبا کہلاو تو کیا
اک آئینہ تھا سو ٹوٹ گیا
اب خود سے اگر شرماو تو کیا
دنیا بھی وہی اور تم بھی وہی
پھر تم سے آس لگاو تو کیا
میں تنہا تھا میں تنہا ہوں
تم آئو تو کیا نہ آئو کیا
جب دیکھنے والا کوئی نہیں
بجھ جائو تو کیا گہنائو تو کیا
اک وہم ہے یہ دنیا اس میں
کچھ کھوئو تو کیا اور پائو تو کیا
ہے یوں بھی زیاں اور یوں بھی زیاں
جی جائو تو کیا مر جائو تو کیا
عبیداللہ علیم
M. Inayat, Irfan Butt
#ObaidullahAleem
#GhulamAli
#KuchDinTouBaso
#BestGhazal
#BestPoetry
#ShadesOfPoetry
Category
Show more
Comments - 212
Related videos for Obaidullah Aleem, Ghulam Ali. Best Ghazal کچھ دن تو بسو میری آنکھوں میں Việt Nam: